सहवासातले आठवले

(खंड पहिला)

रामदास आठवले हा आंबेडकरी चळवळीतील न दुर्लक्ष करता येणारा अध्याय आहे… डॉ. बाबासाहेब आंबेडकरांच्या जागतिक मानवी हक्कांच्या चळवळीतील भारतातील हे एक प्रमुख नाव आहे. मानवी हक्कांसाठी १९५६ नंतर ज्या कुणी आपल्या छातीचा कोट करून ही आंबेडकरी चळवळ जिवंत ठेवली आहे, त्यात रामदास आठवले हे नाव कधीच पुसता येणार नाही. उलट कार्यकर्ता ते नेता आणि नेता ते राजसत्ता ही प्रेरणादायी गोष्ट त्यांच्या आयुष्यातून येणाऱ्या पिढीने नक्की शिकावी अशी आहे !